||ஃ||يالله أنا طالبك عفوك والثبات ||ஃ||

[الغريب]

يالله أنا طالبك عفوك والثبات
يارب ماغيرك بها الكون أرتجيه

إنك تثبتني على درب الهداة
ووجهي من الزلات يارب تحَميه

وانك تبعّدني عن دروب الطغاة
يوم ان كلٍ مالقا اللي يكتسيه

ومن بعدها يا أهل العقول النيّرات
تسمّعوا هرجٍ صحيحٍ منتقيه

سوالفٍ فيها لمن يفهم عظات
وإلاّ الغبي لو قلتها راحت عليه

ياللي تفاخر بالفعول الماضيات
ترى الفخر بالعلم والعقل النبيه

العلم نورك والجهل فيه ظلَمات
والمعرفة هدي القلوب اللي تتيه

ترقا بها روس العلوم الشامخات
وتحقق احلامك وكل اللي تبيه

وإن كان يوم الحشر ودك بالنجاة
دينك تجوّد يا حكيم الراي فيه

إحرص على صيامك وحجك والصلاة
والدرب كانه ما يسرّك لا تجيه

ترى الرجل بالطيب يرقى النايفات
وإلا الردي ماله يروح لوارثيه

الطيب يرفع من مقامك بالحياة
والمرجله تفرق مثل سعر الجنيه

ومرافقة راع العلوم الخايبات
سفيه واللي يتبعه مثله سفيه

ما يكسب الطوله ولا حصّل غناة
عزي لحاله يا جماعه عزتيه

واللي يبي يلقا العلوم الطيبات
ويصير خادم بالحياة لوالديه

يرضا عليه الله ويلقا المكرمات
الجنة العليا وعيشٍ يهتنيه

ترى السعادة تحت رجل الأمهات
يا حظ من يرضا عليه أمه وأبيه

قلته وأنا محتاج من غيري وصاة
لا صار ساسه طيّب ورايه نزيه

ابا اتعلم وارتفع للطايلات
وأبعد عن خباث النوايا والوجيه

..
قصيدة اعجبتني للشاعر
(( سعد بن عويد الدمعاني الجميلي ))

[ناصر حمود]

«®°·.¸.•°°·.¸¸.•°°·.¸.•°®»منقول مميز يعطيك العافية ولا عدمناك«®°·.¸.•°°·.¸¸.•°°·.¸.•°®»

[صالح بن طعمان]

الله يعطيك العافية اخي الغريب على هذا النقل

[الغريب]

مشكورررر ياخالي

على مرورك الذي يشرفني

[الغريب]

مشكورررر أخي صالح

على مرورك الكريم

[الدمعة الحزينة]

مشكور اخوي

جزاك الله كل خير

وبارك الله بك

[الغريب]

مشكورة أختي الدمعة الحزينة على مرورك

[وسام الوفاء]

رائع جدا اشكر على هذا النقل

[الغريب]

أخي وسام الوفاء

أشكرك على مرورك الكريم